ILOILO CITY – Wala na sang may nabilin sa mga personal nga gamit ni Joanna Daniela Demafelis sa Kuwait, ang Ilongga OFW nga ginpatay sang iya mga amo kag ginsulod sa freezer.
Sa interview sang Bombo Radyo, ginpahayag ni Philippine Ambassador to Kuwait Renato Pedro Villa nga wala na sang may nakita nga gamit ni Joanna sa apartment kun sa diin gin-abandona ang bangkay sini.
Suno kay Villa, sa pagpati sang mga otoridad, ginpanghaboy sang mga amo ni Joanna ang mga gamit sini agud mahinago ang ila pagpatay sa Ilongga OFW.
Nahibaluan nga antes magbiya sa Kuwait, gin-report sang mga amo ni Joanna nga nagpalagyo ang Ilongga OFW.