Iloilo City – Indi lamang mga station commanders ang ginpangbalasa sa Iloilo City Police Office.
Epektibo Pebrero 2 kag Pebrero 3, gin-relieve ang mga 75 nga mga personnel sang Mandurriao Police Station.
Sa interview sang Bombo Radyo kay Police Major Shella Mae Sangrines, spokesperson sang Iloilo City Police Office, iya ginpahayag nga ang 75 nga police personnel ang ginpangsaylo sa mga police stations sa syudad.
Suno kay Sangrines, ginpang-relieve man ang 15 ka mga personnel sang Iloilo City Drug Enforcement Unit ang gin-transfer magluwas lamang sa in-charge sa administrative tasks kag wala naga-upod sa operasyon.
Nahibaluan nga ini ang kasunod sang mandu mismo ni Police Regional Office VI director Police Brigadier General Leo Francisco kag ni Iloilo City Mayor Jerry Treñas.
