ILOILO CITY – Balik na sa normal ang duty sang tanan nga mga personnel sang Public Safety and Transportation Management Office subong nga adlaw kadungan sang pagpaidalom sa syudad sang Iloilo sa Modified General Community Quarantine.
Sa interview sang Bombo Radyo kay Jeck Conlu, pinuno sang Public Safety and Transportation Management Office iya ginpahayag nga iga deploy subong nga adlaw ang 800 ka mga personnel sa nagkalain-lain nga dalanon sa syudad sang Iloilo.
Suno kay Conlu, ginatan-aw nga mas madamo nga salakyan ang magasulod sa syudad kag magatuga sang pagpugok sang trapiko.
Dugang sang natungdan, wala sang ipatuman nga re-routing apang posible nga buksan subong nga semana ang dalanon sa palibot sang Iloilo Terminal Market.
Santo sa pahayag ni Conlu, tubtob alas 9 naman sang gab i ang duty sang ila mga personnel agud mas mabantayan ang mga dalanon sa bug-os nga syudad sang Iloilo.
