Gin-dismiss sang Supreme Court ang duwa ka mga petisyon nga nagakwestyon sa ruling sang Senate Impeachment court sa voting threshold nga ginakinahanglan para i-convict si Vice President Sara Duterte.
Ini nga mga separado nga petisyon ang gin-file nanday former Executive Secretary Vic Rodriguez kag abogado nga si Ernesto Francisco Jr.
Ginaduso sang nasambit nga mga petisyon ang judicial intervention matapos nga gin-adjust sang Senado ang two-thirds voting requirement nga nasaad sa Konstitusyon.
Suno sa Korte Suprema, may yara sang procedural lapses sa petisyon gani gin-dismiss ini.
Matandaan nga sang Septyembre 23, sa boto nga 13 nga pabor kag 1 nga nagpamatok, nadesisyunan sang Senate Impeachment Court nga bag-uhon ang voting threshold kasunod sang appeal ni Senator-Judge Erwin Tulfo sang September 8.
Ini nga nagabaliskad sang nauna nga ruling sang Hulyo 6 ni Presiding Officer Francis “Chiz” Escudero nga naga-fix sang conviction threshold sa 16 ka boto base sa 24 ka mga myembro sang Senado.
Base sa bag-o nga pagsulundan sa pagboto, ang “two-thirds of all the Members of the Senate” ang ideterminar gamit ang ginpanubo nga denominator nga ginabug-usan lang sang mga senador nga “legally and factually capable of participating” sa tion sang pagbotohay para sa conviction.
