May patigayunon nga rally ang mga Pilipino sa Netherlands kasunod sang pagdala na kay former President Rodrigo Duterte sa Scheveningen detention facility.
Ang pag-detain kay Duterte ang kabahin sang proseso antes siya mag-atubang sa International Criminal Court bangud sa ginaalegar crimes against humanity nga nakumiter sang iya administrasyon bangud sa maduguon nga drug war.
Suno kay Dice Gacho Weenink, Bombo International Correspondent sa Netherlands, lauman nga magalawig sang pila ka adlaw ang patigayunon nga rally.
Gin-athag naman ni Gacho nga indi tanan nga nagkadto ang mga solid Duterte supporters.
Ang iban nga Pilipino nga nagsugata kay Duterte ang luyag lamang nga masaksihan ang ginakabig nila nga maragtason nga hitabo.
