ILOILO CITY – Ginapreparahan na sang mga Pinoy sa Atlanta, Georgia ang engrande nga pagsug-alaw kay Angelica Hale sa pagbalik sini sa iya hometown, matapos mangin runner-up sa America’s Got Talent.
Sa interview sang Bombo Radyo Iloilo, ginpahayag ni Merry Fee Covington sang General Santos City apang karon yara na sa Dacula, Atlanta, Georgia, sigurado nga agawan ang 10-year old singer.
Nakalinya na ang media interviews para kay Angelica, apang luyag man makasal-ot sang mga Pinoy sa schedule para makaupod ang bag-o nga singing sensation.
Suno kay Covington nga abyan sang iloy ni Angelica nga si Eva Bolando-Hale, ginakalipay nila ang resulta sang America’s Got Talent apang nagapati sila nga dapat si Angelica ang nangin winner.
Big deal suno kay Covington kun nangin grand winner si Angelica, apang nagapati sila nga panugod na ini sang career ni Hale.
Masinadyahon, confident kag performer ang pagkakilala ni Covington kay Hale.
Tatlo pa lang ini ka tuig sang ginpaidalom sang amay sa voice lessons agud ma-develop ang talento sa pagkanta.