ILOILO CITY – Nagbatyag sang kakugmat ang mga Pinoy sa Hokkaido, Japan kag sa mga kaiping nga prefectures matapos ang liwat nga paglunsyar sang missile sang North Korea kaina sang aga.
Ginpahayag ni Bombo international correspondent Josel Palma gikan sa Japan, pila sa mga Pinoy ang nagpangita man sang shelter kasunod man sang mando sang Japanese government.
Apang kadam-an sang mga pumuluyo sang Japan suno kay Palma, ang business as usual.
Dugang pa ni Palma, ginhangkat pa sang mga pumuluyo sang Japan si North Korean leader Kim Jong Un nga sa duta patup-on ang missile agud makita sang komunista nga pungsod ang ginapangita sini.
Nagapati ang mga pumuluyo sang Japan nga nagapamahog lang ang Pyongyang bangud sa tubig man sini pirme ginapatupa ang missile.
Kampante man ang mga residente sang Japan bangud nga naka-deploy na ang missile interceptors sang pungsod.