Nag-abiso na ang embahada sang Pilipinas sa mga Pinoy nga naga-istar kag naga-trabaho sa Lebanon nga ikonsiderar na ang pagbiya sa pungsod samtang available pa ang commercial flights.
Suno sa Philippine embassy, prayoridad gid ang safety kag ikaayo sang mga Pilipino.
Para naman sa mga nagdesisyon nga magtinir gid, gina-abisuhan man nga maghalong gid kag ipabilin ang kontak sa embahada, ihanda ang passports, kag mag-monitor gid sa mga balita.
Ini nga paandam sang embahada ang kasunod sa pagsigabong sang mga walkie-talkie ukon hand-held radios nga ginagamit sang militante nga grupo nga Hezbollah kun sa diin 20 gid ang napatay kag 450 ang napilasan. Magluwas pa ini sa pagsigabong man sang pagers sa nagligad nga adlaw kun sa diin 12 gid ang napatay kag 3,000 ang nasamaran.
Ginatudlo sang Hezbollah nga ang Israel ang may kahimuan sa amo nga mga pagpang-atake.
Ginakahangaw-an man nga mag-resulta ini sa gyera sa magtimbang nga bahin nga posible magresulta man sa pag-intra sang Iran nga taga-suporta sang Hezbollah kag Estados Unidos sang Amerika nga kaalyado naman sang Israel.
“The Philippine Embassy strongly urges all Filipino nationals to CONSIDER leaving the country while commercial flights are still available. Your safety and well-being are of utmost priority. Those who intend to remain for any reason are advised to exercise extreme caution and remain in contact with the Embassy,” suno sa embassy.
“The Philippine Embassy understands that this may be a challenging time, and we are here to support you throughout this process. Your prompt action is crucial to ensure your safety and well-being.For further inquiries or assistance, please contact the Philippine Embassy in Lebanon or the Migrant Workers Office (MWO-Lebanon): Embassy ATN hotline (for permanent residents): 70 858 086/ Migrant Workers Office hotline (for ALL workers): 79 110 729,” dugang sang embahada.#
