ILOILO CITY- Nag-isyu sang advisory ang Philippine Embassy sa Lebanon nga nagaopanugyan sa mga Pinoy nga magbiya na samtang bukas pa ang airport sa tunga sang nagainit nga tensyon.
Suno sa Embassy, kinahanglan nga mangin prayoridad sang mga Pinoy ang ila safety kag magbiya na sa amo nga pungsod sa pinakamadali nga panahon.
Ang mga Pinoy naman nga indi makahalin ang ginapanugyanan nga magkadto sa safe nga mga lugar sa gwa sang Beirut, South Lebanon, kag Bekaa Valley.
Ang mga Filipinos naman nga luyag mag- avail sang repatriation ang kinahanglan nga mag-fill out sang form.
Mahimo naman mag-contact sa masunod nga numero ang mga Pinoy nga mangayo sang bulig:
-para sa tanan nga OFWs (documented or undocumented): +961 79110729
-para sa overseas Filipinos (Dependents with Permanent Resident Status, i.e., wife iqama): +961 70858086
Nahibaluan nga nagainit subong ang tensyon sa tunga sang Lebanon-based Hezbollah kag Israel.
Ang Iranian-backed Hezbollah group naglunsar sang drone attacks sang nagligad nga bulan sa Golan Heights nga okupado sang Israel.
Ang Hezbollah strike nag-igo sa football ground sa Golan Heights, nga nagpatay sang 12 ka tawo kalakip na ang kabataan.
