Ginapaaligmat ang mga Pilipino sa Middle East bangud sa ginalantaw nga mga risgo sa seguridad kadungan sang una nga anibersaryo sang pagpang-atake sang Hamas militants sa southern Israel.
Natabo ini nga sorpresa nga pagpang-atake sang Oktubre 7, 2023 kun sa diin 1,200 ka mga tawo ang nagkalamatay nga kalabanan sibilyan kag 250 naman ang ginbihag sa Gaza nga kadam-an ang nahilway na.
Sa mga napatay, apat ang mga Pilipino kun sa diin isa ang Ilongga caregiver nga tumandok sang Maasin.
Ini nga atake ang nagpa-ibwal sang kaakig sang Israel rason nga naglunsar ini sang giyera sa Gaza agud mapapas ang Hamas.
Nagapadayon ini subong kun sa diin 41,000 na ang nagkamatay lakip na ang mga sibilyan, kag mas nagasangkad ang tension sa Middle East bangud sang mga development sang nag-intra man ang iban nga militant groups lakip ang Houthis kag ang Hezbollah.
Suno sa Department of Foreign Affairs, posible nga ang Israel ukon ang pihak nga kampo ang may himuon kadungan sang anibersaryo.
Ginapanugyan sang ahensya sa mga Pinoy sa rehiyon nga magpabilin nga vigilante kag mag-check gid kun may mga abiso halin sa embahada.
Nagapati man ang ahensya nga mas nabatygan sang 30,000 ka mga Pilipino sa Israel nga safe sila sa posible nga mga pagpang-atake bangud sa mabakod nga depensa sang pungsod nga sagangon ang missile attacks.
