PARIS, FRANCE – Mixed emotions ang mga Pinoy sa Paris, France matapos nagdaog si Carlos Yulo sang gold medal sa finals sang floor exercise sa men’s artistic gymnastics sa Paris Olympics 2024.
Ginhimo ni Yulo ang maragtason nga kadalag-an sa Bercy Arena kun sa diin naka-skor ini sang 15.000 points kag ginlutos ang defending gold medalist nga si Artem Dolgopyat sang Israel nga naka-skor lamang sang 14.966 points
Si Yulo man ang pinakauna nga Pinoy nga nakakuha sang Olympic medal sa gymnastics.
Suno kay Bombo Dinah Sauve, international correspondent sa Paris, France, iya ginpahayag nga isa si Yulo sa mga ‘well loved’ nga mga atleta sa Olympiada.
Ginpahayag sini nga sang nagdaog si Yulo, nagpakuha mismo si Sauve sang picture sa screen sa diin ginakaptan sini ang hayahay sang Pilipinas.
Las 10:20 naman karon sa gab-i, maga-compete naman si Yulo sa Men’s Vault Finals.
