Ginkumpirma sang Philippine Embassy sa Qatar nga may mga Pilipino nga gin-aresto kag gin-detain sa amo nga pungsod bangud sa ginhimo nga political protest.
Sa kumpirmasyon sang embahada, ginsulit man ang abiso sini sa mga Pinoy nga respetuhon ang layi sang Qatar kaangot sa mass demonstrations.
Dugang pa sang embassy, nagapakig-angot na ini sa local authorities para nga makahatag sang nagakaigu nga consular assistance sa mga naaresto.
Wala ginklaro kun pila sila kag kun ano gid ang mga detalye sang pagdakop sa mga Pinoy.
Yari ang statement:
“The Embassy of the Republic of the Philippines in Doha is aware that several Filipino nationals have been arrested and detained early today, 28 March 2025, for suspected unauthorized political demonstrations in Qatar. The Embassy is in touch with local authorities for the provision of necessary consular assistance to said nationals.The Embassy reiterates its previous advisory dated 13 March 2025 for all Filipino nationals in the country to respect local laws and customs relating to mass demonstrations and expressions of political grievances.”
Natabo ini kadungan sang simultaneous rallies sang Overseas Filipino Workers (OFW) nga kadungan sang selebrasyon sang 80th birthday ni former President Rodrigo Duterte nga ginpa-detain sang International Criminal Court (ICC) bangud sa ginaalegar nga crimes against humanity. May mga OFW groups man nga naglunsar sang “zero remittance week” para nga ipakita ang ila nga suporta sa anay presidente.#
