ILOILO CITY – Wala sang dapat kabalak-an ang mga overseas Filipino workers (OFWs) sa Qatar subong man ang ila mga himata diri sa Rehiyon 6.
Ini sa pihak sang pag-utod sang diplomatic ties sang pila ka mga Arab countries kaangay sang Saudi Arabia, Bahrain, Egypt, United Arab Emirates, Yemen kag Libya sa Qatar, bangud sang ginasuspetsuhan nga pagsuporta sa terorismo.
Suno kay James Mendiola, officer-in-charge sang Overseas Workers Welfare Administration (OWWA), sa pinakaulihi nila nga pagtsekyar sa embahada sa Qatar, nagkalma na ang sitwasyon sa lugar kun sa bahin sang mga OFWs ang paga-istoryahan.
Ginkalipay man suno sa iya sang mga OFWs nga nakabakasyon subong diri sa Pilipinas ang pagbawi sang deployment suspension.
Nagpanugyan man si Mendiola sa mga Ilonggo nga i-tsekyar sang maayo ang mga flights ilabi na ang mga ginasakyan nga airlines bangud may yara sang mga mga airline company nga wala nagasulod sa Qatar.