ILOILO CITY – Suportado ni Iloilo City Mayor Jerry Treñas ang Iloilo City Police Office.
Ini ang sabat sang alkalde tuhoy development sang mga asod-asod nga crime incidents nga nagluntad sa dalan Iznart, Iloilo City Proper kag Arevalo, Iloilo City.
Sa interview sang Bombo Radyo kay Treñas, iya ginpahayag nga nalipay gid ini bangud nagkaladakpan na kag yara na sa kustodiya sang kapulisan ang mga suspetsado sang mga krimen nga ginluntad.
Suno kay Treñas, ginasuportahan gid niya ang mga pulis kag magapadugang pa sang walo ukon siyam nga patrol vehicle kag kinahanglanon nga gasolina agud masiguro ang pagbantay sa syudad.
Ginahingyo man sang alkalde ang kapulisan nga siguraduhon nga indi na maliwat ang mga krimen.
Samtang, ginakonsiderar man niya nga magtukod pa sang mga police station agud mas mapabaskog pa ang seguridad sa syudad.
