Iloilo – Gindayaw ni Police Regional Office 6 director Police Brigadier General Leo Francisco ang mga policewomen sang Western Visayas bangud sa talalupangdon nga mga performance sang mga ini.
Ini matapos nakit-an ni Francisco ang ikasarang sang mga policewomen nga mabatasan ang tagiti sang init kun ipaangid sa mga kalalakinhan nga mga pulis.
Sa interview sang Bombo Radyo kay Francisco, iya ginpahayag nga mas mabakod ang kababainhan nga pulis kun ipaangid sa mga kalalakinhan nga nagakalipong sa mga programa.
Suno kay Francisco, pinasahi ang ginapakita nga karisma sang mga policewomen bangud sa kapasidad sang mga ini nga ipabilin ang katawhay kag kalinong sa mga dalanon sa tion nga nagapatrolya ang mga ini.
Samtang, ginpahayag sang natungdan nga ginaapresyar sini ang tanan ka mga kababainhan bangud sa kaisog sang mga ini.
