Liwat na naman nga ginpamatud-an sang Bombo Radyo Philippines ang excellence sa patag sang industriya sang pagwaragwag.
Ini matapos nga nag-qualify ang network bilang finalists sa walo sa siyam ka mga kategorya sa prestihiyoso nga Catholic Mass Media Awards (CMMA) subong nga tuig.
Ang mga programa sang network ang nakabaton sang pagkilala para sa commitment sini sa paghatag sang high-quality content nga magustuhan sang nanuhay-tuhay nga mga tagpalamati kag tumalan-awn sa bilog nga pungsod.
Ang finalists nagalakip sang mga programa gikan sa pila ka Bombo Radyo stations kag sister network sini nga Star FM.
Talalupangdon nga sa iban nga kategorya, may pila ka nominasyon ang Bombo Radyo sa diin ang mga programa lang sang network ang naga-kompetensyahanay batok sa isa kag isa—pamatuod sa pagka-dominante sang network sa patag sang pagwaragwag.
Ang mga kategorya sa diin ginkilala ang Bombo Radyo Philippines amo ang masunod:
Best Business Program
Bombo Special Report (Bombo Radyo Philippines)
Best Counseling Program
Kahapon Lamang (Bombo Radyo Dagupan)
Best Drama Program
Recuerdos Dela Vida (Bombo Radyo Vigan)
The Messiah (Star FM Cebu)
Best Entertainment Program
Afternoon Starsweep (Star FM Bacolod)
Best Educational Program
Bombo Special Report (Bombo Radyo Philippines)
The Visita Iglesia (Bombo Radyo Legazpi)
Best News Commentary
Bombo Special Report (Bombo Radyo Philippines)
Bombohanay Bigtime (Bombo Radyo Baguio)
Best News Feature
Bombohanay Bigtime (Bombo Radyo Koronadal)
Good Morning Philippines (Bombo Radyo Laoag)
Best News Program
Bombo Network News (Bombo Radyo Philippines)
Bombo News and Views Morning Edition (Bombo Radyo Cebu)
Ang interesante nga dynamic sa awards subong nga tuig amo ang internal competition sa tunga sang mga Bombo Radyo programs.
Sa kategorya pareho sang Best News Program, Best News Feature, Best News Commentary, Best Educational Program, kag Best Drama, madamo nga Bombo Radyo programs ang nagakontrahanay para sa top spot.
Ini nagapakita sang consistent quality sang content nga ginahatag sa kabilugan nga mga estasyon sang network.
Ang Catholic Mass Media Awards kilala sa paghatag sang pagkilala sa media excellence nga nagahatag sang importansya sa Christian values, kag ang madamo nga nominasyon sang Bombo Radyo Philippines ang pamatuod sang commitment sa informative, engaging, kag morally uplifting nga sahi sang pag-broadcast.
