ILOILO CITY- Ginpakamalaot sang progresibo nga mga grupo ang ginhimo sang militar nga pagkampo kag pagpahugpa sang helicopter sa isa ka eskwelahan kasunod sang natabo nga encounter batok sa mga rebelde sa Brgy. Jayubo, Lambunao, Iloilo.
Isa ka suldado kag isa ka rebelde ang patay sa engkwentro.
Sa interview sang Bombo Radyo kay Matt Gonzaga, chairperson sang Anakbayan -West Visayas State University Chapter, iya ginpahayag nga ang amo nga lihok sang militar ang nagtuga sang kahadlok sa mga estudyante.
Suno kay Gonzaga, ginakabig nga zone of peace ang isa ka eskwelahan gani indi dapat ini madalahig.
Nagpanawagan naman si Gonzaga nga padayunon ang peace talks sa tunga sang gobyerno kag mga rebelde nga grupo bilang solusyon, suno sa iya, nga mauntat na ang kaangay nga mga engkwentro.
