ILOILO CITY – Hugot nga ginadumilian ang kapulisan sa paghampang sang golf sa tion sang duty.
Suno kay Philippine National Police (PNP) Chief Pol Director General Archie Francis Gamboa, ginapahanugutan gid lamang ang mga pulis nga maghampang sang golf sa tion nga tapos na ang ila nga trabaho.
Suno pa sa opisyal, nagahampang man siya sang badminton apang ginahimo niya ini pagkatapos sang iya nga trabaho.
Diri sa Western Visayas, wala pa sang may na-monitor nga pulis nga naglapas sa amo nga mandu.
Sa tion nga may yara sang pulis nga wala nagatuman sa sini naga pagsulundan, ginahingyo ni Gamboa sa publiko nga kun mahimo, magpadala sila sang litrato sang amo nga pulis agud mahatagan sang otoridad sang nagakaigo nga lihok.
Nahibaluan nga sang nagligad nga semana, ginkakas ni Gamboa ang tatlo ka mga police officials sa Central Visayas bangod nadakpan nga nagahampang sang golf sa tion sang ila trabaho.
Ang mga pulis amo sanday Pol Col. Dennis Artil, regional chief comptroller; Pol Lt. Col. Richard Bad-Ang, chief sang finance service; kag, Pol Lt. Col. Glenn Mayam, director sang Regional PNP Drug Enforcement Group.
