ILOILO CITY – Ginpatawag sang pamunuan sang Iloilo City Police Office ang 25 ka mga pulis nga nagapuyo sa Barangay Bakhaw, Mandurriao, Iloilo City.
Sa interview sang Bombo Radyo kay Police Colonel Joeresty Coronica, officer in charge sang Iloilo City Police Office, iya ginpahayag nga ang mga pulis nga naga-istar sa Bakhaw ang ginalakipan sang duha ka mga police commissioned officers, 15 ka mga police non-commissioned officers kag walo ka mga non-uniformed personnel.
Suno kay Coronica, katuyuan sa pagpatawag sa mga pulis nga makuha ang ila nga suporta kag kooperasyon sa kampanya batuk sa ilegal nga droga.
Dugang pa niya, ginhatag man sang 25 ka mga pulis ang ila nga commitment pinaagi sa pagpasalig nga magahatag sang impormasyon may kaangtanan sa mga aktibo nga drug personalities sa lugar kag mangin ang mga pangayaw nga masami nga nagapadulong sa amo nga barangay.
Ginklaro man ni Coronica nga cleared sa iligal nga droga ang 25 ka mga pulis.
Nahibaluan nga gintutukan ang Bakhaw bangud sang liwat nga pagduging sang ilegal nga droga sa lugar.
