Bawian sang armas kag ipaidalom liwat sa training ang mga pulis nga napaslawan sa marksmanship training.
Santo ini sa pahayag ni Philippine National Police (PNP) chief Gen. Nicolas Torre III.
Suno kay Torre, importante nga maalam ang pulis sa paggamit sang armas bangud nakataya diri ang kabuhi sang tawo.
Ang simple nga sala suno sa iya ang maka-resulta sa kamatayon ukon sa collateral damage sa tion nga may yara sang armed encounters.
Bilang hepe sang pulisya, nagpahayag si Torre nga magapaidalom man siya sa marksmanship test kag maga-retiro sa serbisyo kun mapalpak siya diri.
Sa PNP Press Corps 3rd Invitational Shoot Fest sa Quezon City, nagpahayag ini nga ang marksmanship training ang himuon niya nga requirement for promotion kag placement sa mataas nga positions.
Magluwas diri, luyag man ni Torre nga physically fit ang mga pulis sa tanan nga tion.
Bangud sini, ang mga naka-assign sa mga opisina kag sa mobile forces ang iga-require nga magpasakop sa sporting activities kaangay sang swimming kag badminton sa kada Martes kag Huwebes.
Libre man sila suno kay Torre nga makapili sang sports activities sa kondisyon nga mapabilin nga fit ang ila nga mga lawas.
