ILOILO CITY – Indi dapat maulamid sa anu man nga sahi sang krimen may kaangtanan sa kahulugbon ang mga pulis subong nga holiday season.
Ini ang pahanumdum ni Philippine National Police Officer-In-Charge Police Lt. Gen. Archie Gamboa kadungan sang iya nga pagbisita sa Police Regional Office 6.
Suno kay Gamboa, indi mahinago nga may mga insidente sa Western Visayas kasubong sa Guimaras kag Negros Occidental sa diin naulamid sa shooting incidents ang mga pulis bangud sa kahulugbon.
Ginpahayag ni Gamboa nga indi buot-silingon nga indi na mag-inom sang makahulubog nga ilimnon ang mga pulis apang nagakadapat nga kontrolado ang kaugalingon agud nga makalikaw sa ano man nga sahi sang gamo.
Dismissal suno kay Gamboa ang pinakamabug-at nga silot sa mga pulis nga wala nagasunod sa pagsulundan.
