ILOILO CITY – Hatagan sang atensyon ni Police Regional Office 6 (PRO-6) director Chief Supt. John Bulalacao ang mga narco-cops sa una sini nga bulan ngpagpungko sa puwesto.
Sa interview sang Bombo Radyo, ginpahayag ni Bulalacao nga tungod ginbansagan nga “most shabulized” ang rehiyon, nagakadapat nga mapadayon ang counter intelligence effort.
Kinahanglan suno sa opisyal nga sentruhan anay ang internal cleansing agud nga hilway sa mga pasaway nga pulis ang PRO-6.
Dugang pa sini, iya tsekyaron ang mga aktibidad sang pulis nga nadala sa listahan sang narco-cops kag ang iban pa nga involve sa iligal nga druga.
Wala man ginakabig ni Bulalacao nga dako nga panghangkat ang mangin pinuno sang PRO-6.
Suno kay Bulalacao, ginplastar na ni anay PRO-6 director Chief Supt. Cesar Hawthorne Binag kag kompleto naman ang sistema sa PRO-6.
Ang himuon na lang niya suno kay Bulalacao amu nga ipabilin ang mga programa kag ang maayo nga imahe sang PRO-6.
Dugang pa sini, nakita niya nga mahimo na lang idugang amu nga dapat mas mangin aktibo ang kapulisan batok sa mga criminal elements agud nga wala na sang magluntad nga kriminalidad.