ILOILO CITY – Hatagan sang pagkilala sang Police Regional Office 6 (PRO-6) ang mga pulis nga nagpakigbahin sa Dugong Bombo 2017.
Sa interview sang Bombo Radyo kay Superintendent Gilbert Gorero, taghambal sang PRO-6, iya ginpahayag nga makabig nga baganihan ang tanan nga pulis nga nagdonar sang dugo.
Ang pagkilala ang paagi sang PRO-6 sa pagpasalamat sa tanan nga pulis sa rehiyon nga naghatag sang ti-on agud nga makabulig sa mga nagabalatian.
Suno kay Gorero, ang pagpakigbahin sang PRO-6 sa Dugong Bombo ang pagpakita sang suporta sang Philippine National Police (PNP) sa mga programa sang Bombo Radyo Philippines.