POTOTAN, ILOILO – Indi kinahanglan nga mag-agunto ang mga pumuluyo sang Barangay Nanga Pototan, Iloilo sa ginbutang nga signal jamming device bilang “crime prevention” sa Iloilo District Jail.
Sa interview sang Bombo Radyo kay Iloilo 4th District Board Member Rolando “Rolly” Distura, Vice Chairperson sang Committee on Peace and Order and Public Safety, iya ginpahayag nga may yara sang patigayunon nga committee hearing ang Sangguniang Panlalawigan kaupod National Telecommunications Commission kag mga personnel sang Iloilo District Jail.
Apang indi mapat-od ni Distura kun bala maga-attend ang mga personnel sang Iloilo District Jail sa nasambit nga committee hearing apang nakapasa na sila sang sulat sa ahensya.
Suno kay Distura, madamo sang mga istratehiya nga mahimo himuon sang Iloilo District Jail nga indi maapektuhan ang mga pumuluyo kag kinahanglan lamang sang pagpanikadog kaangay sang hugot nga pagbantay kag greyhound operation.
