MEXICO – Gintay-og sang 7.4 magnitude nga linog ang Oaxaca, Mexico.
Suno sa national seismological service sang amo nga pungsod, una nga nag-igu ang linog sa southern state sang Oaxaca apang nabatyagan man sa Guatemala, Honduras, kag El Salvador.
Bangud sini, nagpaandam ang Pacific Tsunami Warning Center nga posible may yara sang tsunami waves sa mga lugar nga 1,000 kilometros ang kalayuon sa epicenter lakip na ang kalalawran sang Mexico, Honduras, Guatemala kag El Salvador.
Apisar light to moderate lang ang damage suno sa US Geological Survey, ginpahayag naman ni Alejandro Murat, governor sang Mexican state of Oaxaca, nga may mga buildings nga nagcollapse sa area sang Crucecita nga amo ang rason sang kamatayon sang isa ka tawo.
Guba man ang isa ka COVID-19 designated hospital sa amo nga lugar.
