ILOILO CITY – Masako na nga nagapamakal ang mga pumuluyo sa syudad sang Iloilo sang mga prutas kasunod sang kahandaan sa pagsug-alaw sang bag-ong tuig.
Sa interview sang Bombo Radyo kay Marilou Palma, fruit vendor sa Cacho Property sa JM Basa Street, Iloilo City, iya ginpahayag nga humalin kahapon, madamo sang nagabakal sang prutas.
Suno kay Palma, halos kalabanan nga ginabakal sa iya amo ang 13 fruits nga nakapack na sa diin balor P400 ang baligya niya.
Pahayag niya, lain ang sitwasyon sang baligyaanay sa subong kun ipaanggid sa mga nagliligad nga tuig sa diin apisar madamo man sang nagabakal subong, mas dako ang maganar niya sang una.
