ILOILO CITY – Nagapangayaw pa sa iban nga baryo ang mga pumuluyo sang Barangay Alalasan, Lapuz, Iloilo City agud lamang nga makasag-ub sang tubig.
Sa interview sang Bombo Radyo kay Julie Muyco, iya ginpahayag nga nagakadto pa sila sa Barangay Mac Arthur, La Paz agud lamang nga makasag-ub sang tubig bangud hangin lamang ang nagagwa sa tubo sang Metro Pacific Iloilo Water.
Dugang pa niya, may yara man sang tangke sang tubig ang barangay apang kulang man sa mga pumuluyo kag kinahanglan pa nila nga pagpulaw agud lamang nga may gamiton sa sulod sang ila nga balay.
Wala man sang rotational water interruption ukon gin-anunsiyo nga schedule sang pagpatubod sang tubig ang Metro Pacific Iloilo Water sa ila nga barangay suno kay Muyco.
Apisar sini, padayon sa gihapon ang ila pagbayad sang ila nga water bill.
