ILOILO CITY – Nakabalik na ang mga pumuluyo sang Barangay Calubihan , Jaro, Iloilo City sa ila tagsa ka mga balay bangud sa pagtaas sang baha.
Sa interview sang Bombo Radyo kay Barangay Kagawad Rona Flores, iya ginpahayag nga nag alarm ang early warning device rason nga nag-evacuate ang mga pumuluyo bangud naglab-ot sa level 1 ang baha sa ila barangay bangud malapit ini sa Dungon Creek.
Suno kay Flores, nagdangat sa 11 ka mga pamilya ang nangin apektado kag nagtinir temporaryo sa evacuation center.
Pahayag pa sang barangay kagawad, 2.53 meters ang kataason sang tubig baha sa barangay sa diin apektado ang Zone 2 sang Calubihan, Jaro kag porsyon sang Zone 3.
Dugang pa sang natungdan, nangin handa na ang mga pumuluyo sa ila barangay bangud sila na mismo ang naga mato-mato nga mag evacuate indi kaangay sadto.
