ILOILO CITY- Ginasakuan na sang mga pumuluyo sang Don Esteban, Lapuz, Iloilo City, ang ginakaayo nga drainage sa lugar nga makasolbar sa ila problema sa baha.
Sa interview sang Bombo Radyo kay Punong Barangay Efren Cenayo, iya ginpahayag bangud tig-ululan na, ginakabalak-an sang mga pumuluyo nga mag-awas ang tubig kag magtuga sang pagbaha sa lugar ang wala pa makay-o nga drainage.
Suno kay Cenayo, huol man ini sa mga motorista bangud tunga sa lane lang ang maagyan.
Nagpangabay naman ini sa mga pumuluyo sang paghangop ilabi na nga isa ini ka government project kag indi man madali-dali nga matapos ini.
