ILOILO – Nagakahangawa ang pila ka mga residente sa mga barangay sa San Dionisio, Iloilo sa tion nga magbubo ang mamunog nga pag-ulan.
Sa interview sang Bombo Radyo kay Merly Cortez, residente sang Barangay Bagacay, San Dionisio, iya ginpahayag nga kun magmunog ang ulan, masami nga ginabaha ang ila nga lugar.
Suno kay Cortez, madasig nga nagataas ang tubig-baha kag madugay mag-subside.
Pahayag sang natungdan nga sa ibabaw sang bukid nagahalin ang tubig nga ginatunaan sang tuman nga pagbaha.
