Nagkalain-lain ang nangin reaksyon sang mga pumuluyo sang syudad sang matapos gin-impeach sang House of Representatives si Vice President Sara Duterte.
Sa interview sang Bombo Radyo kay alyas Pamela, isa ka estudyante, ginpahayag sini nga pabor siya sa impeachment bangud nagapati siya nga kinahanglan nga sabton sang Bise Presidente ang iya mga sala nga ginbuhat.
Suno pa sa iya, bilang isa ka estudyante, ang pulitika sa karon sa Pilipinas kaangay nga indi maayo ang implementasyon gani nagaka-apektuhan ang publiko.
Samtang, indi naman pabor sa impeachment si Alyas Beauty, isa man ka pumuluyo sa syudad, wala naman sini gin-eksplikar ang iya rason apang nagapamatok ini nga i-impeach ang Bise Presidente.
Sa pihak nga bahin, sa interview naman sang Bombo Radyo kay alyas Naldo, isa ka senior citizen syudad, iya ginpahayag nga pabor siya sa impeachment kay VP Sara Duterte, apang nagapati ini nga apisar na-impeach na ang Bise Presidente sa House of Representatives mabudlay man sa gihapon kun didto na mag-lab-ot sa Senado.
Suno pa sa iya nga ang pag-ilis kay anay Senate President Vicente Sotto III bilang Senate President ang isa sa mangin rason nga wala naman sang klaro nga padulungan ang impeachment kay Vice President Sara Duterte.
