ILOILO CITY– Sayluhon ni Iloilo City Mayor Jerry Treñas ang schedule sang regular nga staff meeting sa Iloilo City Hall.
Sa interview sang Bombo Radyo Iloilo kay Mayor Treñas, iya ginpahayag nga patigayunon na sa kada Lunes sang hapon sa baylo nga Lunes sang aga ang nasambit nga meeting.
Suno sa alkalde, ini agud maakomodar ang mga pumuluyo sang syudad nga may mga transaksyon sa Iloilo City Hall ilabi na sa tagsa ka Lunes sang aga.
Ginpahayag sang alkalde nga importante nga yara sa ila tagsa ka talatapan ang mga department heads agud magpirma sang mga dokumento nga kinahanglanon sang mga pumuluyo nga may transakyon agud indi na nila kinahanglan nga maghulat ukon magbalik-balik pa sa Iloilo City Hall.
