ILOILO CITY – Nagpaguwa sang memorandum para sa mga punong barangay sa syudad ang City Department of Interior and Local Government may kaangtanan sa road clearing operations.
Sa interview sang Bombo Radyo kay City Department of Interior and Local Government Officer Roy Defiño, iya ginpahayag nga tagsa ka bulan, kinahanglan nga magpasa ang mga punong barangay sang report tuhoy sa pagpatigayun sang road clearing operations sa ila lugar.
Suno kay Defiño, lakip sa igapasa nga report ang mga laragway nga nakuha gikan sa pagpanghawan sang dalanon.
Sa tion nga indi makatuman, indi naman makakuha sang ila tagsa ka mga honorarium ang mga punong barangay.
