ILOILO CITY – Pagakuhaan sang swab sample para sa COVID-19 test ang tanan nga Punong Barangay sa syudad sang Iloio kasunod sang pagpositibo ni Punong Barangay Jonathan Altura sang South Fundidor sa distrito sang Molo.
Sa interview sang Bombo Radyo kay Iloilo City Mayor Jerry Treñas, iya ginpahayag nga magluwas kay Punong Barangay Altura, naglain man ang pamatyag ni Punong Barangay Myrna Espinosa sang Infante sa distrito sang Molo.
Suno kay Treñas, kinahanglan nga mapaidalom sa COVID-19 test ang tanan nga Punong Barangay bangud sa kahangawa nga dala sang local transmission.
Ginpahayag ni Treñas nga makabig man nga frontliner ang mga Punong Barangay nga amo ang nagapanguna sa pagpatigayon sang relief operation sa ila nasakupan nga lugar rason nga mas prone sila sa virus.
