Ginakabig nga highly treatable ang testicle cancer.
Sa interview sang Bombo Radyo kay Dr. Elvin Tiangha, iya ginpahayag nga tumalagsahon nga kondisyon ang testicular cancer kag madamo na sang pamaagi nga mabulong ini subong nga panahon.
Suno kay Dr. Tiangha, prone ini nga masakit sa mga lalaki nga maputi nga naga-edad 15 tubtob 35 anyos.
Ginpaathag sang doktor nga ang nagatubo nga germ cells sa testicle sang mga kalalakihan ang mahimo magdevelop sa tumor nga ginatunaan sang testicular cancer.
Dugang pa sang natungdan, lakip sa mga sintomas sang nasambit nga cancer amo ang pagdako kag pagbanog sang testicle, pagsakit sang likod kag hita.
