Nagapati ang Chamber of Mines of the Philippines (COMP) nga ang mga reporma sa industriya sang pagmina sa idalum sang administrasyon ni Pangulong Ferdinand Marcos Jr. amo ang naghatag sang mas mabaskog nga kumpiyansa sa mga foreign investors.
Base sa 2024 Annual Survey of Mining Companies, nagsaka ang Pilipinas sa ika-16 nga pwesto sa 82 ka pungsod sa investment attractiveness, kag naglab-ot man sa ika-9 nga ranggo sa best practices sa mineral potential.
Suno kay COMP chairman Michael Toledo, ang masulhay nga permitting processes kag ang padayon nga suporta sang gobyerno sa ‘responsable mining’ amo ang nagdala sang positibo nga epekto sa industriya.
Gindugang man sini nga ang ginahulat nga Mining Fiscal Regime bill magahatag sang mas klaro kag patas nga sistema sang buwis, nga magapasangkad pa gid sang pagsalig sa sektor, ilabi na sa mga large-scale mining companies
