Nagmato-mato ang mga residente sang Brgy. Infante, Molo, Iloilo City sa pagkakas sang ila mga ilegal nga istruktura nga nagabalabag sa dalan.
Ini ang may kaangtanan sa mandu ni Presidente Rodrigo Duterte nga full clearing operations sa mga national roads.
Sa interview sang Bombo Radyo kay Jeck Conlu, pinuno sang Public Safety and Transportation Management Office, iya ginpahayag nga na-apresyar nila ang inisyatibo nga ginpakita sang mga pumuluyo sa pag self implement nila sang nasambit nga operasyon.
Suno kay Conlu, nagapasalamat sila bangud mas nangin mahapos kag mamag-an ang ila operasyon bangud nag kooperar gid ang pumuluyo kag barangay officials.
Nagpalab-ot man si Conlu sang pagpasalamat sa media ilabi na sa Bombo Radyo bangud sa bulig sini sa pagpalab-ot sang impormasyon sa mga residente natuhoy sa Oplan Hawan.
