ILOILO- Nagpanugyan ang Office of Civil Defense sang boluntaryo nga evacuation sa mga pumuluyo nga nagaistar sa landslide prone areas.
Sa interview sang Bombo Radyo kay Office of Civil Defense Region 6 Director Jose Roberto Nuñez, iya ginpahayag nga masami nga nagaluntad ang landslide sa tion nga magbubo ang mabaskog nga ulan bangud nga mahumok ang duta sa Western Visayas.
Suno kay Nuñez, importante nga mahangpan sang mga pumuluyo nga dapat pasulabihon sang publiko ang ila seguridad labaw sa ila propedad.
Nahibaluan nga ginpaidalom na ang bilog nga rehiyon sa blue alert status.
Sa pagpaathag ni Nuñez, may yara sang tatlo ka alert level nga ginapatuman ilabi na kun may kalamidad kag ini ang ginalakipan sang white alert nga amo ang pinakamanubo, ginasundan sang blue alert sa diin gina-activate ang emergency operation center kag red alert nga amo ang pinakamataas kun sa diin nakahanda ang tanan nga resources sang gobyerno.
