MARYLAND, USA– Nagapabilin nga kalmado ang sitwasyon sa Maryland sa Estados Unidos apisar nga may yara na sang napatay bangud sa Coronavirus Disease 2019 (COVID-19).
Sa interview sang Bombo Radyo kay Ramon Celeste, iya ginpahayag nga kontrolado sang Local Government Unit sang Maryland ang pagsulod kag pagguwa sang mga tawo ilabi na ang mga naghalin sa lugar nga may yara sang kaso sang nasambit nga virus.
Suno kay Celeste, ginadumuli-an ang eroplano sang Chinese Airlines nga makahugpa sa mga paluparan sa Estados Unidos.
Ginpahayag ni Celeste nga kun may yara sang balati-an ang isa ka tawo nga may travel history sa iban nga pungsod, automatic nga ipaidalom ini sa 14 ka adlaw nga quarantine.
Sa pihak sini, ginpahayag sang natungdan nga wala sang panic buying sa Estados Unidos.
