Ginpirmahan ni U.S. President Donald Trump ang proklamasyon nga nagadumili sa mga residente sang 12 ka mga pungsod nga magsulod sa bisan diin nga parte sang Estados Unidos sang Amerika.
Suno kay Trump, tuyo sini nga maproteksyunan ang Estados Unidos sa mga “terorista” kag sa iban pa nga “security threats.”
Ang mga pungsod nga apektado sang latest travel ban amo ang Afghanistan, Myanmar, Chad, Congo Republic, Equatorial Guinea, Eritrea, Haiti, Iran, Libya, Somalia, Sudan kag Yemen.
Partially restricted man ang pagsulod sang mga tawo halin sa pito ka pungsod nga amo ang Burundi, Cuba, Laos, Sierra Leone, Togo, Turkmenistan kag Venezuela.
Epektibo ang proklamasyon umpisa sa Hunyo 9 sandig sa White House.
“President Trump is fulfilling his promise to protect Americans from dangerous foreign actors that want to come to our country and cause us harm,” suno kay White House deputy press secretary Abigail Jackson sa X. “These commonsense restrictions are country-specific and include places that lack proper vetting, exhibit high visa overstay rates, or fail to share identity and threat information,” dugang sini.
Gin-cite ni Trump ang natabo nga terror attack sa Boulder, Colorado nga halimbawa suno sa iya sang delikado nga mahimo sang foreign nationals nga nagasulod sa US. Sa amo nga insidente, isa ka Egyptian national ang naghaboy sang gasoline bomb sa pro-Israel demonstrators. Ang suspek natukiban nga naga-overstay na sa US kag may expired work permit.
“The list is subject to revision based on whether material improvements are made. And likewise new countries can be added as threats emerge around the world, but we will not allow people to enter our country who wish to do us harm and nothing will stop us from keeping America safe,” paathag sang US president.#
