ILOILO CITY – Indi pa mahambal sang mga barangay officials sang Bakhaw, Mandurriao kun bala, nadala sa listahan sang Barangay Anti-Drug Abuse Council ang pila sa mga pumuluyo sang barangay nga nadakpan sa ginpatigayon nga drug buy-bust operation sang Regional Police Drug Enforcement Unit VI.
Duha sa 32 ka mga nagkaladakpan ang residente sang amo nga barangay kag ang main target nga si Alony Leonor, alias “Bata” ang naga-istar naman sa lugar.
Sa interview sang Bombo Radyo kay Punong Barangay Joel Alvarado, iya ginpahayag nga wala pa niya nakita ang listahan sang mga durugista sa ila barangay.
Suno pa kay Alvarado, ang main target ang madugay na niya nga gina-istorya apang nagapanginwala ini.
Gin-ako man sang punong barangay nga madugay na niya nga na-obserbaran nga madamo sang pangayaw nga nagasulod sa ila barangay rason nga nag-request ini sang presensya sang pulis sa ila barangay.
