ILOILO – Nagtuga sang pagkahangawa sa mga residente sang sa Brgy. Canawili, Janiuay, Iloilo matapos ginpalukpan sang Improvised Explosive Device (IED) ang advance party ni Iloilo Governor Arthur Defensor Jr.
Sa interview sang Bombo Radyo kay alyas Glace Ann, residente sang nasambit nga lugar, iya ginpahayag nga yara siya sa sulod sang iya balay, ginabanta tunga sa kilmetro ang kalayuon sa gintabuan sang insidente.
Suno kay Glace Ann, ginhuna-huna nila nga may naglupok lamang nga mga royda sang salakyan.
Apang sang ila ginlantaw, ila natukiban nga mga katapo ini sang Regional Mobile Force Batallion.
Maswerte man suno sa witness nga wala sang may nasamaran nga pulis sa insidente.
