Ginapangbaligya na sang mga residente ang scrap nga nabilin sa mga materyales ukon parte sang ila mga puluy-an nga amu naupos matapos ang nagluntad nga sunog, kahapon sa Barangay Gen. Hughes, Iloilo City Proper.
Sa interview sang Bombo Radyo kay Punong Barangay Teresita Uy, iya ginpahayag nga tagsa ka pamilya ang nagatinguha nga makakita sang kwarta agud nga sa liwat amat-amat nga makapatukod sang ila balay.
Suno kay Uy, nakabaton naman sang tag-isa ka sako nga bukas ang tagsa ka pamilya lakip naman dira ang pila ka grocery items.
Nagapabilin naman sa mga evacuation center ang iban pa nga mga pamilya ilabi na ang may yara sang totally burned nga puloy-an.
Nagpanawagan naman ini sa publiko nga may tuyo magpalab-ot sang bulig nga magpadulong lang sa ila barangay.
