𝗜𝗟𝗢𝗜𝗟𝗢 𝗖𝗜𝗧𝗬 — Ginkadismaya sang mga residente ang pagpauntat sang pagtukod sang multipurpose building sa Barangay Katilingban, Molo, Iloilo City.
Ini kasunod man sa pagpasar sang resolusyon ni Iloilo City Mayor Jerry Treñas batok sa Department of Public Works and Highways (DPWH) kag Iloilo City District Engineering Office.
Sa interview sang Bombo Radyo kay Punong Barangay Juliet Ardenio sang Brgy. Katilingban, Molo, Iloilo City, iya ginpahayag nga ginakadismaya nila ang pagpauntat sang multipurpose building bangud pila na ini ka tuig nga ginatukod sa ila lugar.
Suno kay Ardenio, gin-sugodan ang proyekto sang Dec 11, 2021 kag ginalauman nga matapos kuntani sa August 24, 2024, kun sa diin, magaserbe ini nga gym and evacuation center sang mga residente.
Ginpahayag man sini nga ang may pondo ang multipurpose building nga ₱24.6 million halin sa General Appropriation Act, sa diin, ang mga materyales nga gingamit ang gin-order pa sa pungsod Vietnam.
Nagapanawagan ang punong barangay sa kontraktor nga dasigon ang pag-ubra sang proyekto agud nga gilayon nga magamit sa mga residente.
