SAN JOAQUIN, ILOILO – Ginapaaligmat sang Municipal Disaster Risk Reduction and Management Council ang mga residente kasunod sang nabatyagan nga linog sa San Joaquin, Iloilo kagab-i.
Santo sa abiso sang Philippine Institute of Volcanology and Seismology, magnitude 3.3 kag 4.2 ang nag-igo sa banwa sang San Joaquin 8:57 pm kag 9:03 pm sang Oktubre 17.
Sa interview sang Bombo Radyo kay Ailene Josico sang Brgy. Tiolas, San Joaquin, Iloilo, iya ginpahayag nga nagapangadi siya sang nabatyagan ang pagtay-og sang duta.
Suno kay Josico, indi madula ang pagbatyag sang kahangawa ilabi pa nga malapit ang ila balay sa higad sang baybay.
Ginpahayag ni Josico nga ginapaagi sang Barangay Officials sa Public Address System ang paghatag sang abiso.
