Molo, Iloilo City – Ginpa-Bombo sang mga residente sang Zone 4, Barangay South San Jose, Molo, Iloilo City ang ginapahayag wala nakonsulta nga pagpatukod sang drainage system sa ila barangay.
Sa interview sang Bombo Radyo kay Mila Bautista, iya ginpahayag nga ang pagpatukod sang drainage ang magaresulta sang pagbinaha kun sala ang pagpwesto sini.
Nagpangabay ang natungdan nga kuntani ginkonsulta sila nga mga residente agud maistoryahan ang husto nga plastada sang drainage system.
Sa bersyon sang tag-reklamo, ginpahayag nga si Alfonso Tan ang nagpatigayon sang pagtukod sang drainage system sa lugar.
