Nagapadayun ang search and rescue operations sang mga awtoridad sa Tarlac City, matapos nga nahulog ang isa ka salakyan sa Agana bridge kagab-i, Agosto 29, 2026.
Kasunod ini sang pagkaguba sang taytay sa nasambit nga lugar bangud sa mamunog nga ulan nga dala sang habagat ukon Southwest monsoon.
Suno sa mga awtoridad, may unod nga lima ka indibidwal ang salakyan sang ini ang nahulog sa taytay.
Ang mga biktima amo ang tatlo ka lalaki kag duha ka babayi kun sa diin isa pa lang sa mga ini ang natigayon nga nakit-an kag ginahatagan na sang nagakaigo nga atensyon.
Ang Agana bridge amo ang nagserbe tani nga alternative route sang mga pumuluyo sa Tarlac matapos nga nagcollapse ang Aquino bridge sang Agosto 28.
Nagpahanumdom man si Tarlac Governor Christian Yap sa publiko nga mangin mahinalungon agud malikawan ang dugang nga mga insidente.
