Lima ka tawo ang nasamaran matapos nagbinaliskad ang mga salakyan bangud sa buhawi sa coastal Santa Cruz County sa northern California sa Estados Unidos sang Amerika.
Tatlo sa mga indibidwal ang na-ospital apang ginklaro sang otoridad nga indi seryoso ang ila naangkon nga injuries.
Naapektuhan ang Scotts Valley — nahamtang 70 miles halin sa San Francisco — 1:30 p.m. local time sang Sabado, Dec. 14, suno sa reports halin sa local Monterey outlet nga KION-TV. Ini ang santo sa gin-report sang Associated Press kag CBS Bay Area.
Ini man ang una nga tornado warning nga napapanaog sa San Francisco halin pa sang 1950.
Nahibaluan nga 11 ka buhawi lamang ang average nga naga-agi sa California kada tuig kag masami nga ma-record sa northern Central Valley base sa National weather service.
Ginlakip ang San Francisco sa gindagdagan sang warning apang ginkanselar man gilayon sang ahensya.
Isa ka semana antes sini, may tsunami warning man nga gin-isyu sa San Francisco Bay area kag sa malapit 5 million ka mga tawo sa Northern California kag Oregon coastlines kasunod sang 7.0-magnitude nga linog sa California coast sang Disyembre 5 nga tumalagsahon lang nagakatabo sa USA.
