Ginakabig na nga ‘endangered species’ ukon dali na lang maubos ang mga sapat nga Koala sa duha ka estado sa pungsod Australia.
Suno kay Bombo International Correspondent Denmark Suede, direkta sa Australia, endangered na ang nasambit nga native marsupial habitats bangud sa tuman ka init nga temperatura kag nagakatabo nga bushfire ukon nagluntad nga mga sunog sa kagulangan.
Nagpaandam naman ang scientists sa gobyerno nga kun indi ma-aktuhan ang pagguba sang developers sa ilistiran sang mga Koala sa eucalypt forests, pat-od nga mangin extinct na ang mga ini ukon maubos na sa kalibutan.
Nahibaluan nga sandig sa World Wide Fund for Nature study, masobra 60,000 ka koala ang nagkalamatay sa bushfires nga nagluntad sang 2019 kag sang 2020.
Nagkalamatay man ang koala habitats bangud sa asud-asud nga land clearing para sa , urban development, mining kag forestry.
