Mahimo nga mag-apply sang permit ang mga sari-sari store owners sa Food and Drug Administration (FDA) agud nga makabaligya sang over-the-counter medicines.
Ini kasunod sang gin-anunsyo sang Department of Interior and Local Government (DILG) ang ila pagpangdakop sa mga iligal nga nagabaligya sang bulong.
Sa interview sang Bombo Radyo kay Ma. Angeles Guzman, Regional Supervisor sang FDA Region VI, iya ginpahayag nga base sa RA 9711 ukon ang “Food and Drug Administration Act of 2009”, nakasaad ang pagdumili sa mga establishemento nga wala sang ‘liscence to operate’ nga magbaligya sang mga bulong.
Suno kay Guzman, ang mga tyangge, bilang sa idalom sang jurisdiction sang FDA, ang isa man sa mga ginatutukan bangud sa madamo nga nabaton nga complaints sang ahensya.
Dugang pa niya, may yara naman sang mga nagkaladakpan nga iligal nga nagabaligya sang bulong base sa regular nga inspeksyon sang FDA.
Mahimo man nga mangatubang sang penalidad ang mga sari-sari store owners nga magalapas sa amu nga layi sang ahensya.
Required man suno sa natungdan nga may yara sang pharmacist kun may plano nga magbaligya sang bulong.
Kun over-the-counter ang mga bulong, required sa gihapon ang duha ka oras sa isa ka semana nga inspection sang Pharmacist.
Padayon man ang mga un-announced minitoring sang FDA sa mga tyangge nga nagabaligya sang mga bulong.
Mahimo nga mag-apply sang ‘licesence to operate’ ang mga sari-sari store owners pinaagi sa e-service sang FDA nga makit-an sa ila website sa www.dfa.gov.ph
